عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. لا حول ولا قوة الا بالله

    هو على العموم اللي بتروح للسحره والدجالين مبيكونش عندها اصلا وعي ديني أو حتى أخلاقي
    وساعات بيكون فاهمه وعارفه بس شهوة الخطأ بتسيطر عليها

    وعشان كده بيكون في استعداد لدفع أي ثمن مهما كان للوصول للهدف

    ردحذف
  2. لو كانت ايه ولو حتي مش عندها دين

    دا شرف وحياه ازاي انا مش مستوعبه حقيقي

    ردحذف
  3. ذى ماقلتى
    انا لله وانا اليه راجعون
    اللهم اذا اردت بقومى فتنة فاقبضنى اليك غير مفتون

    ردحذف
  4. للأسف يا كيارا
    احنا فى زمن كل حاجه حلوة فيه ماتت
    الأخلاق والإحترام والتقوى والخوف من ربنا
    كله مات

    ردحذف
  5. تعرفى انا فى مشكلة من أربع ايام للسبب ده
    ناس متهمة ناس انهم بيعملوا اعمال سحرية وخلافه للتسبب فى وقف الحال
    *****************************
    السحر موجود فعلا فى القران انما العلماء اختلفوا فى تفسير وجوده او حكمه
    على العموم حكاية انه يطلب منها الزنا مش فى كل مكان ومش اى حد غالبا التمن بيكون فلوس وده عن سابق خبرة بالناس دى

    ولكن الحكم الثابت ان من لجأ الى كاهن فصدقه فقد اشرك

    وكل الاسحار او اللجوء اليها يتفق العارفون بها ان المداومة على ذكر الله تبطلها تماما
    وان اقوى الاسحار او المس وخلافة ينتهى اذا استطاع الانسان المداومة على الصلاة فى جماعة اربعين يوما

    ولكن انتشار تلك الامور فى هذا الزمن بهذا الشكل لا يمكن وصفه الا بضعف النفوس مما ادى الى استسلامها للخرافة

    وفى النهاية الله اعلى واعلم

    ردحذف
  6. موناليزا

    ******

    مش عارفه اقولك ايه ربنا يهدي الناس

    ردحذف
  7. اصلا دول جرايم مش جريمة واحدة
    جريمة اعتقاد فى الحاجات دى
    وجريمة خلوة غير شرعية
    وكمان زنا
    وكمان سخط القدر
    بجد ربنا يستر علينا
    تقريبا انا عامل محاكمة ترد على حاجات من دى
    دمتى بكل الود

    ردحذف
  8. حد الساحر شرعاً هو قتله ضرباً بحد السيف
    يجب شرعاً ضرب عنقه

    اما اللي يروح للساحر او العارف و هو يصدق بيه و بقدرته فقد كفر بما أنزل على سيدنا محمد و خرج عن ملة الإسلام
    أما إذا ذهب إليه و هو لا يصدقه فيبطل عمله 40 يوم و ليلة و لا تتقبل اعماله الصالحة طوال هذه الايام الاربعين

    أما من تقبل بمعاشرة الساحر فهي زانية و هو زاني و يجب شرعاً إقامة حد الزنا عليهما

    و هذا هو التوصيف الشرعي لجزاء من وصفتيهم

    ردحذف
  9. blue-wave

    **********

    يبقي يارب اموت

    ردحذف
  10. ازهري

    ********

    والله انا مش عارفه بجد ازاي يصدقوا حاجه زي كدا

    يعني القرب من الله فيه دواء لكل شي

    واستسلام ايه تضيع عفتها فين العقل بقي وفين الفطره بتاعت الانسان

    ردحذف
  11. محمد

    ******

    يالهوي انت عددتهم قدامى انا خلاص هنفجر اصلا من اللي قالته النيرس في الشغل دي قالت بلاوى

    ردحذف
  12. مهندس مصري

    *********

    والله جبتها من الاخر

    بس بجد انا شايفه الموضوع بيزيد لازم حل بجد

    ردحذف
  13. عارفه ياكيارا

    بجد والله انا الفتره اللى فاتت دى عرفت معنى احفظ الله يحفظك

    يمكن تكونى راعيتى ربنا واتقيتيه فموقف ومخدتيش بالك منه بس تلاقى ربنا حفظك فموقف تانى كان استحاله تخرجى منه لولا ان سبحانه وتعالى عارف انك جواكى خير واتوكلتى عليه فحلها هوا من عنده بجد

    ردحذف
  14. طب سؤال واحده زي دي

    اما تخلف بنتها هتبقي ازاي ؟!

    او ابنها ؟! ومش عاوزين البلد تبقي كده

    ردحذف
  15. ربنا لا تؤخذانا بما فعل السفهاء منا
    دى ناس ايمانها ضعيف ومش بتعرف ربنا بحق وحقيقى ربنا يهدى الجميع ياااااااااارب

    ردحذف
  16. لا اله الا الله

    هو لسه فى حد بيعمل كده ؟؟؟

    انا اعرف ان الكلام ده كان زمان لما مكنش فى وعى دينى

    بس هقول ايه ربنا يرحمنا برحمته الواسعه

    ردحذف
  17. كيارا :
    --------
    بصراحة مش عارف ااقولك ايه
    بس اللي يفكر ياذي الناس اكيد هتهون عليه نفسه

    -------------
    هو احنا ليه بقينا كده ؟
    ليه بقينا بالشكل المقرف ده ؟
    ليه بقينا نكره بعض قوي كده ؟
    ليه الناس مصرة تبقي وحشة و عاوزنا نبقي زيها ؟؟؟؟؟

    سوري علي الكلام بس انا ساسا مضايق قوي
    و الكلام بتاعك زودها

    ردحذف
  18. انا كمان تنحت زيك بالظبط
    طيب لسه بيروحوا لدجالين وقلنا ماشى
    انما التمن ده
    ؟؟؟؟؟؟؟؟؟؟؟؟؟؟؟؟؟؟؟؟؟
    عايزه افهم يعنى هى الناس دى ايه بالظبط

    ردحذف
  19. دجالين وبنعديها
    انما التمن ده
    دى جديده
    ربنا يحفظنا

    ردحذف
  20. يا نهار مش فايت
    معقولة ده بيحصل؟
    لا حول ولا قوة الا بالله
    والله مذهولة واصبت بحالة ازبهلال
    ومش عارفة اقول ايه
    معقول فيه ناس كده
    :(
    ربنا يرحمنا بجد

    ردحذف
  21. اللهم انا نشكو اليك ضعف قوتنا وقلة حيلتنا وجهل بعضنا فاللهم لا تأخذنا بما فعل السفهاء منا..
    انا اعلم علم يقين ان السحر موجود وذلك بنص القرآن ولكن الساحر كافر والدليل من القرآن والسنة :
    اما القرآن فيقول الله فى سورة البقرة حكاية عن هاروت وماروت"وما يعلمان به من احد حتى يقولا انما نحن فتنة فلا تكفر" فلا تكفر اى ان الساحر كافر وكذا الادلة من السنة موجودة ولكنها لا تحضرنى الان .
    ويقول الرسول صلى الله عليه وسلم فيمن ذهب الى الساحر" من أتى عرافا(اى ساحرا)ولم يصدقه لم تقبل له عبادة اربعين يوما ومن اتى عرافا وصدقه فقد كفر بما انزل على محمد"او كما قال النبى صلى الله عليه وسلم...
    .......
    فعلا الناس دى مرضى اللى بيروحو يعملو عمولات او اعمال زى مولان ما بتقول..
    ولكن اللى يستعين بالله طبعا هينجيه من اى جن او خلافه لان ربنا هو رب كل شئ. يسير الامور كيف يشاء..

    اشكرك على البوست الهايل الهادف
    ولكى منى التحية.

    ردحذف
  22. يالهووووووووووووووووى
    فى ايه ياناس انهاردة

    الصبح شفت فى المدونات موضوع الاندرير والفرح دة
    وانهاردة الدجل واللى بيحصل

    هو فى ايه بالربط انا مش فاهمة حاجه
    يالهوى
    يا خرااااااااشى

    ردحذف
  23. لا اله الا الله
    البوست صدمني انا كمان يا كيارا
    طووول عمرنا بنسمع عن موضوع الاعمال والكلام دا ونقول دجل وحراااام

    لكن مش هتكلم عن الوعي والكلام دا
    بس
    ازاي واحده تعمل كدا لمجرد انها تأزي حد
    يااااااااه
    قد كدا الدنيا والناس بقوا وحشين :((

    ردحذف
  24. كيــارا ...
    حبيبتي شوفي إلي بتروح أساسا للمشعوذ دي بتكون ضعيفة الإيمان والشيطان متمكن منها ..
    مهما بلغت من درجات العلم ...
    وطبيعي تكون رايحه بمعصية الله حيحصل إيه يعني أكيد طامه ..
    ......
    قل لن يصيبنا إلا ماكتب الله لنا.
    ...
    وربنا يحفظنا من الفتن ماظهر منها وما بطن..
    ..
    دمتي بخير

    ردحذف
  25. يا خراشتي
    ايه ده
    بس فعلا انا اعرف ان في ناس بتعمل اعمال بأذيه الناس وده بيكون بالسحر ولعياذ بالله
    بس معرفش موضوع الثمن ده
    يعني بعتقد انها فلوس
    لان بيتهيقلي محدش هيعمل كده يعني
    بعدين بيبقه في ستات سحرة وكده
    فمش عارفة
    عموما اللى اتجرأ وعمل لحد سحر او سعا في الشر هيكون سهل عليه انه يعمل اي شىء تاني
    ربنا يرحمنا برحمته بقه
    غيبت عليكي وعلي الكل وعلي مدونتي
    بس ان شاء الله ارجع تاني بقه

    ردحذف
  26. انا لله وانا اليه راجعون
    دى كمان مش بس بتأذى غيرها
    دى كمان بتاذى نفسها
    يعنى كبيرتين فى وقت واحد زنا وسحر
    الناس دى ايه؟ مش بتخاف من ربنا؟
    حسبى الله ونعم الوكيل فى اى حد ياذى اى انسان برئ
    والله ولو مش برئ فربنا موجود
    اسمه العدل

    ردحذف
  27. بسم الله الرحمن الرحيم
    السلام عليكم ورحمة الله وبركاته
    أختى كيارا
    تحياتى
    بعد الشر عليكى
    ايه ده ؟ دا انتى على نياتك قوووووووووى دا فيه اكتر من كده بكتير
    ربنا يصلح الاحوال ويهدى العاصى
    وحسبنا الله ونعم الوكيل
    انتى بتتكلمى على الناس اللى عايشه فى القاهرة امال لو شوفتى الناس اللى عايشه بقى فى الارياف وفى الصعيد هتقولى ايه وغير موضوع الدجالين ده فيه بلاوى تانيه
    ربنا يحفظنا
    تحياتى وبقولك ايه هو مافيش اى مواضيع تانى غير اللى بترفع الضغط دى ؟ انا تعبان اليومين دول ومش ناقص
    دمتى بكل ود وخير
    والسلام عليكم ورحمة الله وبركاته

    ردحذف
  28. السلام عليكم ورحمة الله وبركاته

    كيارا

    ايه البوست الغريب ده

    وانا استغربت ان انتى تكونى فى السن ده

    ومتعرفيش حاجه عن السحر و الشغوذه

    اما عن الناس اللى بتروح علشان تاذى

    حد ويكون تمنها الشرف

    انتى مفكرتيش ان بمحولتها انها تضر حد

    وضمرها اللى مات هتفرق معاها حاجه

    علشان توصل للى هى عاوزاه

    كفايه عليا كده علشان انا بخاف من

    الضلمه ههههههههه

    لو عاوزه اى استفسار فى الموضوع ده

    انا اعرف عنه شويه

    فى رعايه الله

    joker

    ردحذف
  29. أنا مش مقتنع بالكلام ده !

    أول مرة أسمع ان التمن بيبقى زنا

    ردحذف
  30. كيارا
    انا بحييكي علي الموضوع ده
    انا سمعت عن حاجة زي كده او تقريبا قريت عنها
    بس الطلب مكنش بالبجاحة ديه
    الدجال او النصاب في الحكاية اللي فريتها كان بيدعي ان الجن مش بيخرج الا بالمعاشرة اعوذ بالله
    وحصلت مصايب من ورا الجهل ولاسف
    اللي بيقع اكترهم متعلمين
    ربنا يرحمنا ويسترنا ويبعد البلي عنا
    موضوع جميل بجد
    سلام

    ردحذف
  31. السلام عليكم.....

    اييييييييييييييييييييييييه ده

    هو فى كده؟؟

    يعنى انا طبعا مصدقك والله بس مذهول

    معقوله فى ناس تعمل كده

    يعنى ده تمن انهم ياذو حد بس كده يعنى اذية الناس تستاهل التضحيه دى؟؟؟

    مش عارف اى ايه والله

    ردحذف
  32. ايوه
    ما علينا سواء الدعاء والايمان بالله

    هو دا اللى هينفعنا

    ردحذف
  33. أناااااااااااااا مش فاتحه بوقى
    60سم
    لااااااااااااااااااااااااااا
    انا فاتحة على
    57654 سممممممممممممممممم
    عووووووو

    ردحذف
  34. أزال المؤلف هذا التعليق.

    ردحذف
  35. لا حول ولا قوه الا بالله


    للدرجه دى


    انا فتحت بؤى 120 سم

    ربنا يحفظنا

    الناس بقت عامله كده ليه

    ردحذف
  36. بصي الي اصلا تفكر تروح وتعمل اذى لحد تستاهل اكتر من كده تستاهل الي بيحصلها لان هي الي عرضت نفسها لكده

    ردحذف
  37. إنا لله و إنا إليه راجعون

    والله يا كيتى أنا بئيت باسمع عن حاجات غريبة

    و فعلا حاجات فى السحر و الشعوذة دى

    ربنا يعافينا منها يارب




    فعلا إحنا بئينا فى الزمن اللى الرسول صلى الله عليه و سلم قال فيه - ما معناه- إن الواحد بيشوف الفتنة فيقول بس ..هى دى مهلكتى ، حتى إذا انكشفت و أتت فتنة أكبر منها قال هذه هذه
    يعنى هى دى مهلكتى

    و احنا و الحمد لله بئينا عايشين فى موجة فتن بتلفنا من كل اتجاه

    ربنا ينجينا يارب






    وحشتينى يا كيتى خااااااااااااالث
    خالث خالث

    ردحذف
  38. يا ه ومن ده كتتتير
    و العند يولد الكفر

    شفتي قد ايه الانتقام بيدفع فيه ايه؟؟ و ياريته بيجيب نتيجه في الاخر هي تصبح عاهرة و تستسهل الزني و هو عايش حياته بنفس الطريقه

    ده غالبا جهل و قلة دين

    و الله يا بنتوتي سمعت كتيير في الموضوع ده و افظع من التفصيل دي و لكن ما شفتش

    تحياتي

    ردحذف
  39. الله يعيش يامااا يشوف في دنيته بلاوي اكتر من دي الف مره
    ياريت لو جت على اد الزنا والسحر
    ده في بلاوي واحنا مش داريين بيها
    - شرب الخمر من قبل المسلمين
    - الزنا للترفيه عن النفس
    - مصاحبة احد ما مقابل المال
    - القتل من أجل حفنة من المال
    وبلاوي تانيه اكتر

    ردحذف
  40. ولله شوفي
    انا عرفت ان الدنيا فيها كل حاجه

    كل حاجه موجوده

    وأي حاجه موجوده

    والناس ممكن تعمل اي حاجه في سبيل تحقيق الاغراض

    مهما حصل ومهما كلفهم

    ردحذف
  41. شاكر زيارتك وكلامك خفيف الظل
    ويبدوا انكم كابناء اجمل ما في الحياة رغم غلاستكم وانتهازيتكم والحياة بدونكم لا تساوي شئ

    ردحذف
  42. انا جيت ازهري اتكلم عنك وعن ضد وشكر كتير فبكم ان انا وضد اتصاحبنا فقلت اتعرف عليكي وقريتللك قبل كدة ومدونتك حلوة
    ههههههههههههههه عايزين نتعرف يا قمر
    "وش بيطلع لسانه" ههههههههههههه
    وموضوع بتاع بوست دة صعب وسلميلي علي نيجار بقالها كتير منزلتتش بوستات
    دمتي بالف خير

    ردحذف
  43. يا ستى اصلا على رايك لايوجد سحره ولا دجالين لان الله هو القوى الرحمن الرحيم ؟
    لاشىء بغير مشىئه الله
    جميل يا كيارا

    ردحذف
  44. أزال المؤلف هذا التعليق.

    ردحذف
  45. ممممممم

    بصى يا ستى

    فى سحر

    وفى وفى وفى

    متاكد مليووووووون فى المية

    لان دى حاجه فى القرآن مفيهاش خلاف عليها

    بس اللى انتى بتقوليه ده صعب اوى بجد

    ده شرف يا جدعان مش لعب عيااال

    بس بجد مش قادر استوعب

    مش قادر استوعب خالص

    ردحذف
  46. والله مش قادرة أصدق
    معقول فيه ناس بتؤمن بكدة؟؟؟
    ربنا يتولاهم برحمتة ويهديهم الى الصواب
    تحياتى

    ردحذف
  47. ماعنديش تعليق
    غير
    لاحول والا قوه الا بالله

    ردحذف
  48. عادات متخلفة مازالت مستمرة حتي الان

    تصوروا ان يوقف الفرد حياته علي كراهية الناس وألسعي في أذاهم

    اللهم اهد العصاة وخذ بيد المذنبين الي توبتك ورحمتك

    ردحذف
  49. يا ساتر يارب هو فى ناس كده ........

    ردحذف
  50. ازيك ياكوكى

    فى حكايه الدجل والسحر وخلافه دى والله تقريبا هى حاجات بتأثر فعلا وفعلا ليها اسليب معالجه فى القران وكده
    بس المشكله بقى واللى جديده لانج حكايه الشرف دى
    بجد مكنتش اتصور ان فى كده فى الدنيا
    انا كت فاكرها هتقول التمن ديك ليه 3 ريشات حمر فى دماغه او خروف ازرق وشويه لبن فراخ

    انما حكايه المعاشره دى اعوذ بالله
    ربنا بعافينا

    ردحذف
  51. ملحوظة صغيرة المدونة بتاعتى طارت اللى انا دخلت بيه ده مدونة جديدة بس بنفس الاسم زيها بلظبط ياريت تضيفه لينك المدونة الجديدة عندك وياريت تعملى تنويه بكدة دى خدمة منك يعنىhttp://o0mshmsh0o.blogspot.com/

    ردحذف
  52. بصى هو اسم المدونة هو هو عشان متستغربيش
    ونفس النظام بس اللينك اتغير
    ضيف الجديد بقه عندك
    اشطة

    ردحذف
  53. يالهوووووووووي

    ان لله وان اليه لا راجعون
    دي مصيبه !!!

    ياستي بعد الشر عليكي ربنا يبتلي اللي يعمل كده لكن انتي حد طيب اووي

    بس ده تهريج ده مافيش احن من ربنا علي عباده ونعم بالله
    والله انا مش مجمعه خاااالص من اللي قريتو !!!

    تحياتي ليكي يا كاشفة الاسرار :)

    ردحذف
  54. لا اله الاالله
    حد قالك انى ناقصه امراض
    ليه يا بنتى كده عليتى عليا الضغط وفورتى السكر


    قمة الغباء انى اخلى شيطان الشر جوايا يوصلنى انى ااذى نفسى عشان ااذى حد او اضره
    والعياذ بالله ربنا يعافينا ويهدى اصحاب النفوس الضعيفه

    ردحذف
  55. اه كيارتى انا شكلى معمولى عمل على جناح دبور
    اصلى من ساعة ما رجعت من القاهره وانا وبيرو مقضينها نوم تخيلى بفتح الجهاز ومبقعدش عليه وادخل انيم بيرو وانام طبعا معاه واصحى الصبح والجهاز صاحى معايا طبعا وطبعا بيبقى اتمنى لصبح يقلب ليل عشان انام تانى
    لا وانا وابنى

    كيارتى ارجوكى شوفيلى حل ولو بحلة بن فى دماغى
    انا بفقد العالم من حواليا

    ولاا يمكن من جرينا انا وبيرو طول اليوم

    لا لا اصحاب النفوس الوحشه عملوها فينا

    الحقينى بوصفه يا كوكتى
    وهجيبلك مصاصه من ام ربع جنيه وبس بلاش طمع

    ردحذف
  56. يااااااااااااه يا كيارا

    يابنتى فيه حاجات افضع من كدا كمان

    ربنا يرحمنا برحمته ويعفو عنا

    يارب يا ميسر الأحوال نجنا مما نخاف

    ربنا يستر

    smilyrose

    روح الحب الصادق

    ردحذف
  57. انا اعرف الشعوذة والدجل لكن التمن اللى انتى قولتى علية دة انا مش متصورها لحد دلوقتى ونفس الشعور توهان وتتنيح

    والله ما قادر استوعب

    بس يعنى كل حاجة فى بلدنا راحت يالا مجتش على الشرف

    حسبى الله ونعم الوكيل


    تحياتى

    احمد الشاعر

    ردحذف
  58. ً!!!!!!!!!!!!!!!!!!!!!!!!!!!!!!!

    ربنا يهدى؟؟؟؟؟؟

    سندس

    ردحذف
  59. السلام عليكم ورحمة الله وبركاته

    ازيك ياكيارا عاملة إيه

    جزاك الله خير على البوست الهادف دا وأحسن حاجة النصيحة اللي قدمتيها للكبار فعلا هي خير نصيحة

    واللي بيروحوا للسحرة والمشعوذين أساساً دول معندهمش دين ولا أخلاق عشان يهمها شرفها ولا غيره وغير كدا الحقد بيكون مالي قلبها فمبتبقاش شايفة قدامها ولاعارفه هي بتعمل إيه
    بس بردو مع دا كله أنا مش مستوعبة إزاي تبيع شرفها عشان حاجة دنيئة زي كدا

    ~~~~~~~~~~~~~~~~~~~~~~
    دمت ودام قلمك المبدع

    تحيتي لك..

    ردحذف
  60. لالالالالالالالالا مش معقول هي وصلت لحد كدة

    اكيد حد فاهم غلط لا انتي لا اللي بتحكيلك

    يالهوي تخيل الفكرة هايخليني أرجع وكمان في سبب مهم قوي اني عندي معرفة كويسة بالناس اللي بتدعي انها بتفك السحر والأعمال وشفت الهوايل بسبب واحده معرفة ربنا يهديها بقي

    بس الناس دول كلهم بتاخد فلوس صحيح انا كنت بابقي عارفة ومتأكدة انهم نصابين وغلبت اقولها حرام ده شرك بالله بس فعلاً كلهم ماديين بشكل فظيع

    إنما اللي تروح تعمل عمل لواحدة تعمل كدة أسمحيلي لازم تكون واحدة سوري بعني واطية واطية ومش عارفة هي بتعمل إيه
    طب سيبوا الكلام ده للجهلة انما المتعملين اللي المفروض يعني مثقفين يصدقوا الخرافات دي وينشوروها ليه

    اه عاوزه اقولك إن الرسول عليه الصلاة والسلام أتسحر وربنا سبحانه وتعالي أنزل قل هو الله أحد والمعوذتين لعلاج السحر والسحر دة تقدري تعتبرية أنه إبتلاء لكن ربنا سبحانه وتعالي عرفنا العلاج يعني ملناش حجة

    انا ضغطي علي ومعلش سامحيني لو اسلوبي هجومي شوية أصل الموضوع استنفزني وجايلي عي الجرح

    ردحذف

اذيه والتمن شرفها

بسم الله الرحمن الرحيم طبحا انا جالى ضغط وثكر ولثه ياما هيجيلي شكل المناعه لسه مش جتلي قولت انزل حاجه كوميدي عشان اخف شويه من وقع صدمة البوست اللي فات بس في مفاجاه هتكون الجزء التالت وهو حوار كامل بيني وبين بنت متجوزه بالطريقه دي وهعرضه في جزء لوحده اما دلوقتي قلت لازمن ولابد اجيبلكم الضغط اذيه والتمن شرفها طبعا كلنا سمعنا عن الدجالين وعن الناس اللي بتعمل العملات او الاعمال زي مابيقولوا اللي هو زي ماقالولى يوم السبت في الشغل واحده عاوزه تزرع المشاكل بين واحده وجوزها تمنع فلانه انها تتجوز وحاجات كدا وانا اقولها مش في حاجه كدا اصلا يعني ربنا هيكون عاوز ان واحده تتجوز وكاتبلها انها هتتجوز في اليوم الفلاني العمل دا بقي ان شاء الله هيمنعها انها تتجوز في اليوم دا الله واحد قهار رحمن رحيم تقولي السحر مذكور في القران وكمان انتي متعرفيش قولتلها لا مش عرفوني 
 
قالتلي ان الناس اللي بتروح تعمل العملات دي بيبقي التمن مش فلوس قولتلها مش فاهمه قالتلي لما بتروح للراجل اللي بيعمل العمل دا بيقول لها التمن معاشرتها تنحت وفتحت بوقى 60 سم ازاي يعنى قالت بيطلب معاشرة اللي راحتله وانا حسه ان جالي حاله من التوهان علي راي ضد اللي مش بقت ضد قلتلها معلش يامس قولي تاني كدا كررتها تاني وانا متنحه وحسه ان من الصدمه اتمنيت اني مش اسمع اواني اموت بدل اما اشوف ان الحال بينزل اوي كدا مش بقي الحال في الصغيرين لا وكمان الكبارا اللي المفروض يكونوا قدوة يعني ااستغفر الله العظيم ازنى عشان اضر حد

انا والله الكلام كله رايح لا عارفه اقول ايه ولا اكتب ايه يعني اصلا كارثه ان الناس بتروح لسه للدجل والشعوذه لا وكمان التمن شرفك ونفسك وحياتك فعلا فعلا مش هقول غير انا لله وانا اليه راجعون يارب فعلا اموت قبل اما اشوف بلاوى تانيه اكتر من كدا وفي الاخر هوجه رساله للكبار اللي المفروض يكونوا قدوتنا

****** 

عن أبى العباس عبدالله بن عباس رضى الله عنهماقال كنت خلف النبى صلى الله عليه وسلم يوماً فقال "ياغلام إنى أعلمك كلمات :أحفظ الله يحفظك أحفظ الله تجده تجاهك إذا سألت فسأل الله إذا أستعنت فاستعن بالله واعلم أن الأمة لو أجتمعت على أن ينفعوك بشئ لم ينفعوك إلا بشئ قد كتبه الله لك وإن أجتمعواعلى أن يضروك بشئ لن يضروك إلابشئ قد كتبه الله عليك رفعت الأقلام وجفت الصحف وعلينا بالدعاء والتضرع فيه فاالله الواحد الرزاق هو بس اللي نلجا اليه لا عبد ولا اهل ولا اي حد في الارض اقرب للقلب من الله

كانت معكم كيارا

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان