عالــم مــولان عالــم مــولان
randomposts

آخر الأخبار

randomposts
randomposts
جاري التحميل ...

قلبك بيشوف الحقيقه .. الخوف والشك بس هما اللي بيعموا

  1. اولا انا دايما بتابعك ياأيه ..
    ثانيا:تصدقينى لو قولتلك من كلامك حاسه أنى نزلت الميدان فعلا ..حسيت بالرهبه الفظيعه وانا بقرب وببص على ميدان,كل كله وصفتيها رويتيها بأحساسيك وصلتلى أكنها حقيقه ..ربنا يبارك فيكى ويحفظ مصر ..وجميل اوى الست العجوزه اللى لما الناس حوليها

    نيللى :)

    ردحذف
  2. وهو فعلا يتحب..
    كفاية انه اسمه التحرير..
    يعني المكان اللي منه مصر بتستمد حريتها.
    ربنا يحفظ كل شبر في مصر.

    ردحذف
  3. جميله جدا
    فعلا كلنا فى حاله حب مع ميدان التحرير حتى اللى مقدرش يروح زى حالاتى!

    ردحذف
  4. تسلم ايدك علي الكلام الجميل ده

    تقبلي مروري

    مجنووون

    ردحذف
  5. السلام عليكم..
    وحشاني جدا يا كوكي
    نسأل الله ان يحفظ مصر
    وييسر أموركم يارب
    ..
    أنا عاوزه آكل آيس كريم في وسط البلد وخصوصا في شهر فبراير
    وحشتني مصر :)
    ..
    دمتم بخير

    ردحذف
  6. الله على كلماتك يا كيارا
    بجد رائعه .. وصف فوق اي وصف
    تسلم ايديكي
    :)

    ردحذف
  7. الله عليكي يا كيتي

    يا ريت اغلب الناس يحسوا ربع الاحساس اللي عندك عشان يبطلوا نبرة التخوين والاتهامات اللي بقيت اسهل حاجة علي الالسنة

    بجد الكلام جامد واحساسه عالي
    بس بلاش كنتاكي عشان ماحدش يفهم غلط :D
    عموماً فيه اكتر من ميدان تحرير في مصر في كل شبر في مصر هتلاقي ريحته بتظهر مع الثوار اللي بيهم الميدان بقي حاجة تتحب وليها احترامها اكتر من اي وقت فات

    العبرة مش بالميدان العبرة باللي كانوا جوة الميدان

    تحياتي

    ردحذف
  8. نرجو أن تكوني بخير

    ردحذف

حكاية حب

11494476141233696663

حكاية حب تتحكي في دواوين … تشوفها في نظرة من عيون الثائرين

تقول يارب حقق حلم كل المعتصمين .. دول صابرين ياناس علي اللتاتين

واجسامهم دروع لحماية رمز الحرية

ميـــــــدان التحرير

^^^

ميدان الحرية

أول اما تقرب منه بس تلاقي قلبك بيدق بيدق يدق

اول اما تدخله تحس بفخر وعزة نفس محسهاش حد

تحس انك متطمن علي البلد وعلي نفسك وعلي ناسك

تحس ان مش فارقه معاك  اي حاجه في سبيل حرية مصر

تتضرب تتقتل تتصاب في عنيك

مش حاسس بوجع ولا يأس

حاطط مصر في عنيك

وهمك تعيش حر طليق

^^^^^

أول اما تسيبه وتيجى البيت

تفتح التليفزيون

تفتح الفيس بوك

تفتح تويتر

تسمع الناس

كلام يوديك وكلام يجيبك

وكله بيتكلم وهو مش شايف

كله حاطط رجل علي رجل ودا خاين ودا عميل

ودا بلطجى ودا قابض

مش في حد نزل وقال اشوف الناس دول مين

دول اخواتى اللي ماتوا عشان انا اعيش

وسط العتمة قلبك مقبوض وخايف

ولما ترجع لروحك من تانى

وتشوف إصرار الناس

تقول دا لايمكن يكونوا تايهيين

هناك كلنا بنطمن بعض وكلنا مش نعرف بعض بس خايفين علي بعض

كلنا زي بعض

تلاقي الناس البسيطة جنب المرتاحين

كلهم وحدهم كلمة لا للظلم لا للطغاه لا للظالمين

وشوش بريئة جميله بتهتف باعلي صوت

دم الشهيد غالى ياناااااااااس

كام بيت فيكي يابلدى مش له شهيد او مصاب

كاااااااااام حسوا بئا بدم الشهيد

اجمل المشاهد ،،

ست كبيرة بتقول كلام ولا يعرف يقوله اكبر الشعراء

ولامه حواليها ناس كتير

أصعب المشاهد ،،

الكلام موجه لبتوع كنتاكى

عند المجمع كدا في بلاعة بتخرج ميه والله العظيم لاقيت ناس بتتوضي من الميه دى

هتفضل ياتحرير ميدان الحرية والنصر باذن الله

ودى حكايه حب للميدان

^^^^^^^^

انا بحب الميدان دا جدا جدا

حتي في الايام العادية لما بروح اشتري لبس

اكل في كنتاكى

اعمل اي حاجه هناك

لازم أحس برهبه فظيعه

وحاجة بتخطف قلبى

بحب اتمشي هناك اوى والف علي المحلات

واستمتع باكل الايس كريم

بحب وسط البلد

بحبها جدا

عن الكاتب

Kiara بنت مصريه بحلم بدنيا صافيه مش فيها غدر وكل اللي فيها اننا نحب بعض مش لهدف ما لكن نحب بعض عشان نشوف الدنيا صح

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

عالــم مــولان